Defence ministry-in armed forces doctor 400-te chhawr leh remti

Defence ministry chuan ram chhunga hri leng thawh hnihna thleng meka thawktu indaihlohna phurhrukna atan armed forces doctor chawl tawh 400 chhawr leh a remti.

Defence ministry chuan Inrinni liam ta thuchhuah siamin, kum 2018-2021 inkara armed forces hnuaia medical officer chawl tawhte zingah mi 400 chu thla 11 atan contract basis-a chhawr lehna tur, temporary recruitment order a tichhuak a ni. Heng doctor-te hi Covid-19 hri kaite enkawl tur a ṭulna hmunah chhawr an ni ang. Hei bakah hian defence doctor chawl tawhte chu e-Sanjeevani OPD-ah mipuite tana online free consulation pe tura chhawr tel an ni tawh bawk.