Supreme Court Task Force-in meeting hmasa ber nei

Supreme Court-in a din, member 12 awmna National Task Force chuan Pathianni khan intawh khawmna hmasa ber an nei.

Supreme Court chuan damdawi lama mi thiam bikte awmna, member 12 awmna National Task Force hi state leh UT hnenah hri kaite enkawlna atana oxygen mamawhte rualkhai leh daihzai taka semchhuah a nih dan buaipui tura a din a ni.

National Task Force member-ah hian West Bengal University pf Health Sciences vice chancellor hlui Bhabtos Biswa, Delhi-a Sri Ganga Ram Hospital board of management chairperson Devender Singh Rana, Bengaluru-a Narayana Healthcare executive director leh chairperson Devi Prasad Shetty, Vellore-a Christian Medi­cal College professor Gangadeep Kang-te pawh an tel.

Supreme Court chuan Task Force member atan hian mi thiam dang lakluh a phalsak bawk a ni.

Pathiannia meeting an neihah hian union health secretary Rajesh Bhushan leh union secretary(MoRTH) Giri­dhar Aramane-ten an telpui a ni.

National Task Force chuan oxygen ṭhahnem tak semchhuak thei turin production lamah ṭan khawh turin a chah a, meeting ah hian oxygen production tam zawk siam belh turin rawtna an neihte sawiin, mimal hnena health facility ṭha pekin ram economy a siamṭhat theih thute an sawi.