Gujarat-ah police nuai chuang duty tir

Gujarat sorkar chuan state chhunga hri leng darh tur venna atana khuahkhirhna siamte khauh taka kengkawh turin state chhung hmun hrang hrangah venhim hna thawktu nuai khat chuang a duty tir.

Sorkar thuchhuah chuan Covid-19 kaihhruaina dan kengkawh tura duty tirte hi police mi leh sa 50,000, State Reserve Police (SRP) staff 5,000, home guard 13,000 leh Gram Rakshak Dal (GRD) jwam 30,000 an ni.

Thawhlehni zan aṭang khan zan curfew puan pawh pawhsei niin, khawpui 36-ah chhun lama khuahkhirhna siam pawh tihkhauh a ni. Police officer-te chu an awmna bial tinah ngawrh taka duty tura tih an ni a, face mask vuah lo, social distancing dan zawm lo leh kaihhruaina dan siam dangte zawm lote vai zel turin tih an ni. Police-te hian Thawhṭanni bik khan sorkar kaihhruaina dan siam bawhchhia mi 2,445 te thubuai an siamsak a, mi 2,42 an man bawk.