Rajnath Singh-a'n Covid damdawi tlangzarh

Defence minister Rajnath Singh chuan nimin khan Institute of Nuclear Medicine and Allied Sciences (INMAS), Defence Research and Development Organisation (DRDO) leh Dr Reddy's Laboratories (DRL), Hyderabad thawkhoin Covid damdai an siam, 2-deoxy-D-glucose (2-DG) a tlangzarh.

Covid damdawi tlang­zarhnaah hian union health minister Harsh Vardhan leh AIIMS Delhi director Dr Randeep Guleria-te pawh an tel.

2-DG damdawi a phut niin, tui nena pawlha in mai chi a ni. He damdawi hi Covid-19 hri kai na zualte tan, emergency-a hman turin May 1 khan Drugs Controller General of India (DGGI) chuan a lo pawm tawh a ni. Clinicial trial neihah he damdawi hian hri kaite an dam chak phah bakah, oxygen an tlachham tur pawh a veng tel thei tih hriat a ni. A thawh khatna atan damdawi hi dose 10,000 siam phawt a ni.