Hri leng thawh hnihnaah doctor 270 thi tawh : IMA
Indian Medical Association (IMA) chuan ramchhunga hripui leng thawh hnihna thleng mekah doctor 270 in nunna an chan tawh tih nimin khan a sawi. Hripui vanga thi zingah hian IMA president hlui Dr K K Aggarwal pawh a tel.
Damdawi-ina thawk zinga Covid-19 vanga thi chu Bihar state-ah tam berin mi 78 in an thihpui tawh a, Uttar Pradesh (37), Delhi (37) leh Andra Pradesh (22) ten an dawt. IMA Covid-19 registry tarlan danin hri leng thawh khatna lai khan doctor 748 in nunna an chan tawh bawk a ni.
"Nikum khan India ramchhungah Covid-19 vangin doctor thi 748 an awm a, tuna hri leng mekah, hun reilote chhungin doctor 270 kan chan leh tawh. Hri leng thawh hnihna hi mitin tan a hlauhawmin healthcare worker leh a hmatawngte tan a hlauhawm bik a ni" tiin IMA president Dr JA Jayalal chuan a ti.