PM-in Gujarat a tlawh

Prime minister Narendra Modi chuan nimin khan Gujarat state a tlawh a, cylcone Tauktae-in chhiatna a thlente thlawhtheihna aṭangin a enkual nghal a ni.

Thlipui tlehin Amre­li, Gir Somnath leh Bha­vna­gar district-a chhiatna a thlen dante a enkual hnuah, PM hian Ahmedabad-ah state official-te chu review meeting a neihpui a, thlipui thlehna hmuna chhanchhuah leh chhawmdawl hna thawh dante a sawipui.

Cyclone Tauktae hian Thawhṭanni khan Gujarat hi nuaiin chhiatna nasa tak a thlen a ni. Guja­rat aṭang hian nimin khan Rajasthan chhim lam a thleng a, mahse thli nat lam hi a ziaawm tawh thung. Thlipui tlehin chhiatna a thlenah mi 13 an thi a, chenna in 16,000 chuang chhiain thinkung 40,000 leh electric ban 70,000 chuang a tlu bawk. Thlipui tleh vang hian thingtlang khaw 5,951 chuan nimin thleng khan power supply an la nei lo.