Bihar : RJD hruaituin a chenna-ah Covid-19 care centre siam

Bihar-a eptu pawl, Rashtriya Janata Dal (RJD) hruaitu Tejashwi Yadav chuan Patna-a 1 Polo Raod-a a chenna, government residence-ah a mimal sum hmangin Covid-19 care centre a siam.

Yadav chuan centre a siamah hian damdawi hmanrua te, khum leh oxygen-te dahin, a thlawnin ei tur a pe dawn bawk a ni. Yadav chuan an state-ah hri kai an pun zel avangin state sorkar hnenah pawh goverment residence-te chu Covid-19 care centre leh quarantine centre-ah siam turin a ngen tih a sawi.

Hri leng dona kawngah sorkar pawh a theih anga puih zel an inhuam thu sawiin, Covid-19 care centre a siam pawh chu hmang turin sorkar hnenah ngenna a thehlut tawh a, a chhanna erawh a la dawng lo tih a sawi bawk.