Black fungus hri lenga puang turin state-te hriattir

Union health ministry chuan nimin khan state sorkarte chu Epidemic Diseases Act 1897 hnuaiah black fungus/mucormycosis chu hri leng, epidemic-ah puang turin a hriattir.

Ministry chuan sorkar leh private health facility, medical college-te chuan health minitry leh ICMR-in mucormycosi chungchanga screening, diagnosis leh management guideline an siamte chu zawm vek tur a ni, a ti.

Fungal infection, mycormycosis hi tun hnaiah state eng emaw zatah hmuh chhoh a ni a, he fungus hi vun pilh, kang leh vun lama natna dang awm aṭangin taksaah a lut thei a ni. Expert-te chuan enkawl thuai anih loh chuan a hlauhawm thei hle tih an sawi. Covid-19 hri kai leh hri kai dam leh zingah black fungus hi hmuh a ni ta fo bawk. Telangana leh Rajasthan sorkar chuan hri lengah an lo puang tawh a ni.