Cyclone Yaas : PM-in review meeting nei

Prime minister Narendra Modi chuan May 26-a Odisha leh West Bengal-a cylcone Yass tleh tur chungchanga inbuatsaih dante sawipuiin, agency hrang hrang leh official-te review meeting a neihpui.

Nimina meeting-ah hian National Disaster Management Authority (NDMA) Telecom, Power, Civil Aviation, Earth Science Ministry-a secretary-te bakah union home minister Amit Shah leh minister dangte pawh an tel.

PM Modi chuan official-te chu thlipuiin a nuai tur state-te nena thawhhona ṭha tak siam tur leh, thlipui tuar theia awmte hmun him lama sawnchhuah an nih dan turte buaipui turin a ti. Power supply leh communication network lama harsatna a thlen nep theih dan tur pawh ngaihtuah a ṭul thu a sawi bawk.

Thlipui tlehin chhiatna a thlen palh thulhlah chhanchhuah leh chhawmdawl hna thawk turin NDRF chuan team 46 a buatsaih tawh a, Indian Coast Guard leh Navy pawhin lawng leh helicopter-te an buatsaih tawh bawk.