Vaccine dose vbc 21.80 pek chhuah a ni tawh : Sorkar laipui

Union health ministry chuan state leh union territory-te hnenah Covid-19 vaccine dose vaibelchhe 21.80 pek chhuah a ni tawh tih sawiin, heng zinga dose vaibelchhe 1.90 chu an la kawl ṭha tih nimin khan a sawi.

Ministry chuan ni thum chhungin state/UT te hnenah hian vaccine dose 40,650 an pe leh nghal dawn tih a sawi.

"Sorkar chuan a thlawna pekna, free-of-cost category leh, direct state procurement category hmangin vaccine dose vaibelchhe 21.80 a pe tawh a, heng zinga dose vaibelchhe 19 chuang chu mipui hnenah pek chhuah ni tawhin, state/UT ten an la kawl hi dose vaibelchhe 1.90 chuang a la awm a ni,"tiin nimina an thuchhuahah an tarlang.

Serum Institute of India siam Covishield vaccine khawhral pawh 8% aṭangin 1% ah tla thlain, Bharat Biotech Covaxin hmanloa khawhral ṭhin pawh 17% aṭangin 4% ah a tlakhniam tawh thu Health Ministry in a sawi.