Bengal Governor laka complaint thehlut turin TMC MP-in fuih

West Bengal-a rorellai, Trinamool Congress (TMC) MP Kalyan Banerjee chuan an party worker-te chu state governor Jagdeep Dhankar laka complaint thehlut turin a fuih.

Kalyan Banerjee chuan tun hnaia Narada bribery case-a TMC hruaitu pathum man an nih chungchangah Governor Dhankar chu a inrawlh nia sawiin, Governor a nih tawh loh hnua a chunga action lak a nih ngei theihna tura police hnenah complaint thehlut turin party worker-te chu a chah a ni.

"Governor a nih chhung chuan a laka action lak a ni thei dawn lo tih kan hria a, mahse governor hi a hi reng dawn bik lo. Hei vang hian a office a luah tawh hnua a laka action lak a nih ngei theihna turin pawikhawihna, tharum thawhna leh sakhaw ṭhendarhna lam zawnga a thiltihahte complaint thehlut zel turin kan activist-te ka hrilh a ni," tiin Banerjee chuan a sawi.

Governor chu ni lenga TMC tihchhiatna tur veh ṭhin leh, an party hruaitute man an nihnaah pawh a phusa ber niin a puh a ni. Governor chet dan chu ram danpui kalh a ni tiin, Indian Constitution sawisaah a puh.