National party-te donation dawn Rs vbc 11,234 Khawi aṭanga dawn nge hriat loh

Association of Democratic Reforms (ADR) chuan kum 2004-19 inkara national party-ten donation an dawn aṭanga cheng vaibelchhe 11,234 an hmuh chu khawi aṭanga an dawn nge hriat a nih loh thu a tarlang.

National party pariat-ten Election Commission of India (ECI)-a donation an dawn chungchang an thehluh chu ADR hian a zirchiang a, kum 2004-19 inkara donation an dawn aṭanga Rs vbc 11,234 an hmuh a petu tarlan loh a nih tih Thawhṭanni khan a tarlang a ni.

ARD chuan a petu tarlan loh aṭanga BJP in donation a dawn hi Rs vbc 1,612.04 niin,  Congress-in Rs vbc 728.88 an dawng niin a sawi bawk. ADR hian national party-te donation an dawnna a hriat loh chungchang hi party ten Income Tax return an pekna aṭanga a hriat chhuah a ni.

India ramah hian national party hi pariat an awm a, chungte chu All India Trinamool Congress (AITC), Bahujan Samaj Party (BSP), Bharatiya Janata Party (BJP), Communist Party of India (CPI), Communist Party of India (Marxist) (CPI(M)), Indian National Congress (INC), Nationalist Congress Party (NCP) leh National People's Party (NPP)-te an ni.