Cyclone Yaas : PM Modi-a'n Odisha leh Bengal CM-te meeting neihpui
Prime minister Narendra Modi chuan nimin khan Odisha chief miniser Naveen Patnaik leh official dangte chu review meeting neihpuiin, Nilainia cyclone Yaas tlehin Odisha-a chhiatna a thlen dante a sawipui.
PM Modi hian nimin zing khan Odisha khawpui, Bhubaneswar a thleng a, Biju Patnaik International Airport-ah governor Ganeshi Lal, CM Patnaik, union minister pahnih Dharmendra Pradhan leh Pratap Sarangi-ten an lo hmuak a ni
CM leh official-te meeting a neihpui hnuah, Modi hian nimin chhun dar 12:15 leh chawhnu dar 2:15 inkar khan thlawhtheihna hmangain Cyclone tlehna hmunte a enkual a ni.
Nimin vek khan PM Modi hian West Bengal tlawh bawkin, chief minister Mamata Banerjee, state governor Jagdeep Dhankar leh official-te chu an state-a thlipui tleh chungchangah review meeting a neihpui bawk.
Odisha leh West Bengal-a thlipui tleh vang hian mi pali an thi a, mi nuai 20 chuang chu hmun him lamah sawn chhuah an ni bawk a ni.