PM-in Mann Ki Baat vawi 77-na hmang

Prime minister Narendra Modi chuan thla tina radio programme a hman ṭhin, Mann Ki Baat vawi 77-na chu nimin khan a hmang leh.

PM Modi chuan nimin khan a kaihhruai sorkarin kum sarih a tlin champha a nih thu sawiin, hemi hun chhung hian mitinin ram tan theihtawp chhuahin an thawk a ni, a ti. Nimina PM thusawi ṭhenkhatte -

- Kum 100 chungin Covid-19 hi hripui leng nasa ber a ni a, hri leng mek karah India chuan leilung chhiatna hrang hrang a hmachhawn bawk

- Cylcone Amphan leh cyclone Nisarg kan tuar a, state tam takin tuilian tuarin, lirnghing tuar eng emaw zat an awm bawk.

- Chhiatna hrang hrang thlena chhanchhuah leh chhawmdawl hna thawktuten fak an phu a, zahna kan hlan a ni. An hmangaih tak tak chante thinlung takin ka tawrhpui bawk a ni.

- Hri leng thawh hnihna thleng mekah oxygen mamawhna a sang zel a, hei hi chona kan hmachhawn lian tak a ni bawk. Ram chhung hmun kilkhawr ber thlenga medical oxygen thawn chu hna hautak tak a ni.

- Oxygen mamawh sang zelah cyrogenic tanker driver, Oxygen Express leh Air Force pilot-ten theihtawpin sorkar an pui zel a ni. Oxygen Express train pakhat chu hmeichhe hlangin an enkawl a ni a, hei hian hmeichhiate chauh ni loin, India mipuiin an chhuang hle.

- Hri len tirah testing lab pakhat chauh a awm a, tunah chaun sanghnih chuang a awm ta.

- A tirah ni khatah Covid test tlemte chauh neih theih a nih laiin, tuanh chuan ni khatah nuai 20 chuang te test a ni tawh.

- Kum khat leh a chanve chhung chu Corona Warrior-te inpekna leh thawhrimna nasa tak kan hmu tawh a ni.

- Hun harsa tak kan tawh mek karah mi maktaduai 800-te a thlawnin ration pek a ni tawh.