Helpline number tilang turin news channel-te ngen

Sorkar laipui chuan Pathianni khan private TV news channel-te hnenah ramchhung mipuiten Covid-19 chungchanga hriat duh an neihte zawhchian nan, national helpline number palite an channel-ah tilang ṭhin turin a ngen.

Ministry of Information and Broadcasting chuan TV news channel hnenah lehkha thawnin, national helpline number chu an channel-ah remchangah tilang ṭhin turin a ngen a ni.

Coronavirus dona kawnga sorkar an puihṭhat avangin news channel te chu fakin, mipuite tan awareness leh thuthar te, Covid treatment protocol, Covid appropriate behaviour leh vaccine semchhuah kawngah te an thawh hlawk hle tih ministry chuan a sawi.

News channel kaltlanga National helpline number tihlan tura ngente chu - Ministry of Health and Family Welfare - 1075, child helpline number of the Ministry of Women and Child Development - 1098, senior citizens helpline of the Ministry of Social Justice and Empowerment - 14567 (Delhi, Karnataka, Madhya Pradesh, Rajasthan, Tamil Nadu, Telangana, Uttar Pradesh and Uttarakhand - state tan bik) leh helpline number of National Institute of Mental Health and Neurosciences (NIMHANS) for psychological support - 08046110007 te an ni.

"In hriat ṭheuh angin, kan ram chhunga Covid-19 kai thar pawhin tlakhniam lam a pan zel chung hian hri kai mek an la tam em em tho a ni. Thla liamta chhung khan sorkar laipui chuan media platform a bikin TV, Radio, social media leh hmanrua dang hmangin Covid-19 enkawlna atana zawm tur pawimawh tak pathum - Covid treatment protocol, Covid appropriate behaviour leh vaccine semchhuah hmangin awareness a pe ṭhin " tiin Ministry chuan a sawi. Mipui ten ṭangkai taka an hman theihnan sorkar chuan national helpline number chu siamin, a thehdarh kawngah pawh hma a la nghal a ni tiin a sawi.