Khawvela mobile phone siam chhuak tam ber dawttu India : Ravi Shankar Prasad
Law & Justice, Communications, Electronics & Information Technology Minister, Ravi Shankar Prasad chuan nimin khan India ram chu khawvela mobile phone siamchhuaktu tam ber dawttu a nih thu a sawi.
Kum 5 kal ta chhung khan India-ah hian Mobile Phone Manufacturing unit 200 chuang a awm tih Prasad chuan a sawi a, kum 2014 khan India-a mobile phone siamchhaktu unit punna chu 2 % a ni a, nikum khan 200% laiin a pung niin Shankar Prasad chuan a sawi a ni.
India ramah hian Kum 2014 khan mobile handset maktaduai 60 siam chhuah a ni a, kum 2019 khan maktaduai 330 lai a awm tawh a, China tih lohah chuan mobile handset siam chhuak tam ber ram chu India hi a ni tawh niin IT Minister chuan a sawi a ni. Kum 2014-a mobile handset siamchhuah hlut zawng hi US dollar vaibelchhe 3 a ni a, kum 2019 khan US dollar vbc 30-ah a kai chho thung.