Doctor-te leh healthcare worker-te an chak ngei dawn : PM Modi

Prime minister Narendra Modi chuan hmuh theih loh hri Covid-19 dona kawnga kan hma tawng, doctor leh healthcare worker-te chu hneh theih an nih loh thu sawiin, he indonaah hian an chak ngei dawn a ni, a ti.

"Covid-19 hri nena indona hi hmuh theih leh hmuh theih loh indona a ni a, doctor-te leh healthcare worker-te chu sipai uniform ha lo ang an ni a, hri leng hi an hneh ngei dawn a ni," tiin PM Modi chuan nimina Karnataka-a Rajiv Gandhi University of Health Sciences-a silver jubilee hawnna inkhawmah video conference kaltlangin a sawi a ni.