July thlaah nitin vaccine dose vbc khat pek chhuah tum

Sorkar laipui chuan ram chhunga Covid-19 vaccine pek chhuah mek chu July thla laihawlah chuan chak zawka kalpui tumin, ni khatah dose vaibelchhe khat pek hman tumin ruahmanna a siam.

July thla chhung hian ram chhung Covid vaccine siam, Covishield dose vaibelchhe 20 leh Covaxin dose vaibelchhe 7.5 bakah, Russia aṭanga lakluh Sputnik V vaccine dose vaibelchhe 2.5 supply hman tum a ni.

National task force on Covid-19 vaccination-a chairperson, N K Arora chuan, "August thla aṭang chuan vaccine hi thla tin dose vaibelchhe 20-25 neih theih zel a ni tawh ang," a ti.

Sorkar laipui chuan June thla chhungin vaccine hi dose vaibelcheh 12 vel a awm thei dawn niin a sawi bawk. Heng zinga dose vaibelcheh 6 chu state leh UT-ah kum 45 chunglam bakah, health leh frontline worker-te tan sem chhuah a ni ang. A bak chu state sorkar leh private hospital-ten direct procument category hnuaiah a siamtute hnen aṭangin an lei thei ang.