Delhi sorkarin hospital pali hriattirna a pe
Delhi sorkar chuan khawpui chhunga hospital lian palite chu Covid-19 vanga thi te report chungchang an tihkhawtlai avangin insawifiah tura hriattirna a pe.
Sorkarin hriattirna a pekte hi AIIMS, LNJP hospital, RM Hospital leh Safdarjung Hospital-te an ni. Delhi sorkarin kaihhruaina dan a siamte an palzut avang leh, hri vanga thite report hun an tihkhawtlai chhan sawifiah turin hriattir an nih thu Delhi health department chuan a sawi.
Hospital lian pali bakah hian Baba Saheb Ambedkar Hospital, Guru Teg Bahadur Hospital leh Rajiv Gandhi Super Speciality Hospital hnenah pawh mitthi zat report hun an tihkhawtlai avangin memorandum pek an ni bawk.