NHRC chairman thar justice Arun Kumar Mishra

Supreme court judge hlu, justie Arun Kumar Mishra chu nimin aṭang khan National Human Rights Commission (NHRC) chairman thar a ni ta.

Nikum February thla khan justice Mishra hian prime minister Narendra Modi chu nasa taka fakin, hmathlir nei ṭha, mi fing chungchang, khawvel huapa thlir thiam leh a taka ramchhunga hna thawk ṭhin tiin a fak chiam a, hei vang hian Supreme Court Bar Association (SCBA) chuan na takin sawisel zui a ni.

Justice Mishra hi NHRC hotu atan hian high powered selection panel chuan rawtin, Thawhlehni khan president Ram Nath Kovind chuan official-in a ruat a ni. Selection panel-ah hian PM Modi, union home minister Amit Shah, Rajya Sabha deputy chairman Harivansh, Lok Sabha speaker Om Birla leh Rajya Sabha-a leader of opposition Mallikarjun Kharge an awm.