Sorkarin Biological-E siam vaccine dose mtd 300 lei dawn

Union health ministry chuan Ningani khan ramchhunga vaccine siamtu, Biological-E hnen aṭangin Covid-19 vaccine dose maktaduai 300 lei turin inremna ziah a nih thu a sawi.

Inremna an siamah hian sorkar chuan M/s Biological-E hnenah vaccine siamchhuah nan cheng vaibelchhe 1500 a pe lawk ang.

He vaccine hi RBD protein sub-unit vaccine niin, kumin August -December chhungin Biological-E hian siamchhuah leh khawlkhawm hna a thawk dawn a ni.

Vaccine hi clinical trial phase-3 kalpui mek niin, tun aṭanga thla reilote ah hman theiha peih a nih tur thu Health ministry chuan a puang.

Biological-E hian a hranpain Johnson & Johnson nen thawkdunin, kumtin Covid-19 dose maktaduai 600 siam turin inremna a lo siam tawh bawk.