Mylab-in Coviself a zuar chhuak ta

Biotechnology company, Mylab Discoverty Solutions chuan mahnia Covid-19 in test theihna, Coviself chu Ningani aṭang khan lei theih turin a pho chhuak ta. Pakhat hi Rs 250 man a ni.

Mid-nasal swab test-na, Coviself-ah hian minute 15 chhungin a result a hriat theih dawn a ni.

Indian Council for Medical Research (ICMR) chuan thla hmasa khan Coviself hi a lo pawm tawh a ni. Mylab hian self-test kit hi ramchhung hmun hrang hrangah a thawnchhuak dawn a, damdawi dawrah lei theih a nih bakah e-commerce marketplace Flipkart aṭang pawhin a chah theih ang.

Company chuan a bul ṭanna atan self-test kit hi maktaduai khat a siam chhuak dawn a, mamawhtu an tam dan azirin kar khatah maktaduai 10 siam theih a tum a ni.

Mylab Discovery Solutions-a managing director Hasmukh Rawal chuan, "Mahnia in test theih a nih chuan Covid-19 darh chak tur pawh hi a ven theih ngei kan beisei a ni. He test kit hi ram chhung hmun tinah, test-na khawl awm ṭhat lohna hmun kilkhawr zawkah thlen tir vek kan tum a ni," a ti.