Central team-in West Bengal tlawh dawn

Cyclone Yaas tlehin West Bengal-a chhiatna thlen dante enfiah turin ministry of home affairs (MHA)-a joint secretary kaihhruai central team chuan West Bengal an tlawh dawn.

May 26-a Cyclone Yaas tleh khan Odisha leh West Bengal-a chhiatna nasa tak a thlen a ni.

Cyclone tleh chungchang prime minister Narendra Modi-a'n review meeting a neihah West Bengal chief minister Mamata Banerjee a tel duh lo a, hei hian sawizui a hlawh hle.

CM Banerjee chuan thli­pui tlehin an state-a thil a tihchhiat hlut zawng hi cheng vaibelchhe 20,000 hu vel niin a sawi. Mi nuai 18 velin thlipui tleh hi tuarin, ram hectare nuai 2.21-a zau thlai chinte a chhiat bakah, horticulture area hectare 71,560-a zau a chhe tel tih a sawi.

Central team hi ni thum an cham dawn a, thlipui tlehin chhiatna a thlenna hmun hrang hrangte an enkual ang.