Ni 63 hnuah hri kai thar nuai khat aiin tlem ta : Positivity rate 4.62%-ah a tlahniam tawh

India ramah Thawh­ṭanni khan hri kai thar 86,498 awm belhin, ni 66 hnua ni khata hri kai tlem ber ṭum a nih thu sorkar data chuan a tarlang. Hri kai hmuhchhuah tawh 2,89,96,473 awmin, hri vangin mi 2,123 an thih belh leh avangin, ramchhunga hripui vanga thi hi nuai 3.51 an tling tawh.

Thawhṭanni khan hri kai enkawl dam 97,907 an awm bawk a, hri kai mek hi nuai 13.03-ah an tla thla tawh bawk.

Maharashtra chu hri leng tuar na ber state a nih chhunzawm zel. Chhimlam state pali Karnataka, Kerela, Tamil Nadu leh Andhra Pradesh-ten an dawt a ni.

Ramchhunga vaccine indaih lohna thleng mek karah vaccination drive kaltlangin dose vaibelchhe 23.61 semchhuah a ni tawh. Supreme court chuan sorkar laipui vaccine policy siam chu mumal lo leh awmze nei lo tiin kar hmasa khan a sawisel.

Ni 26 chhung hri kai thar aiin dama chhuahtir an tam tawh zawk a, recovery rate chu 94.29% a tling tawh. Ni 15 chhung chu a zawnin positivity rate 10% hnuailamah a awm tawh a ni.