Hri len hnuah nu leh pa chan, naupang 26,000 awm
National Commission for Child Rights (NCPCR)-in Supreme Court-a affidavit a thehluh, India rama Covid-19 hripui a len hnuin April, 2020 aṭanga kumin June 5 thleng khan fahrah 3,621 an awm tawh tih a sawi. Naupang 26,176 chuan an nu emaw, pa emaw zawk an chan tawh bawk tih a sawi.
Hri len hnua nu leh pa thite hi Covid-19 hri vang vek erawh an ni lo tih Commisison chuan a sawi a, chhan dang vanga thi tam tak an awm tel bawk a ni, a ti.
Naupang 30,071-te chuan venhimna leh enkawlna an mamawh tak zet a, an zinga 15,620 chu mipa niin, hmeichhia 14,447 leh transgender pali an tel tih Commission chuan a sawi bawk.
Heng naupang zinga 11,815 chu kum 8 - 13 inkar niin, 5,107 te chu kum 4 - 7 inkar an ni.
Supreme court thuchhuak angin state leh union territory te chuan NCPCR 'Bal Swaraj' portal kaltlangin naupang, an state-a hri len hnua naupang, nu leh paten an thihsan zat hi an tarlang a ni.
Maharashtra-ah chuan fahrah naupang 7,084-te chu venhimna leh enkawlna neilo an ni a, Uttar Pradesh-ah 3,172 an awm a, Rajasthan-ah 2,482 an awm. State dang zinga naupang enkawl ngai 2,000 chuang neite chu Haryana (2,438), Madhya Pradesh (2,243) leh Kerala (2,002) an ni.