Vaccine plan thar atan Rs vbc 50,000 seng dawn

Prime minister Narendra Modi-a'n ram puma vaccination drive kalpui mekah, state-te vaccine lei tur chu sorkar laipuiin a kutah a la leh dawn tih a sawi hnuin, finance ministry chuan he plan thar kalpuina tur hian cheng vaibelchhe 50,000 vel an seng dawn tih a sawi. Hemi rual hian vaccine leina tur hian sorkar laipui chuan sum a tam tawk tih a sawi nghal bawk.

Ministry chuan vaccine leina tur atan hian fund a awm tam tawk vangin grant hran siam kher a ngai dawn lo. A thawh hnihah erawh chuan a ngai mai thei a, tunah chuan sum a tam tawk rih tih a sawi a ni.

Thawhṭanni tlaia PM Modi-a'n thu sawiah khan, sorkar laipuiin company aṭanga man tlawm zawka an vaccine siamchhuah 50% a lei ṭhin chu 75% a leisak tawh dawn a, hengte hi state/UT-te hnenah semin, kum 18 chung lam hnenah a thlawnin Covid-19 vaccine hi sem vek a ni dawn tih a sawi. Vaccine siam chhuah aṭanga 25% chu private hospital-ten an lei thei dawn thung. Vaccine policy thar hi June 21 aṭangin kalpui ṭan a ni ang.