Election Commissioner atan Anup Chandra Pandey ruat
Uttar Pradesh chief secretary hlui, Anup Chandra Pandey chu Election Commissioner thar atana ruat a nih thu union law and justice ministry chuan Thawhṭanni khan a puang.
Sorkarin hriattirna a tihchhuahah, president Ram Nath Kovind chuan Indian Administrative Service Officer (IAS) 1984 batch Anup Chandra Pandey chu Election Commissioner thar atan a ruat hi a tarlang.
Kum 62 mi, Pandey hi kum 2019, August thla khan Uttar Pradesh chief secretary aṭangin a chawl a, Rajiv Kumar nen poll panel-ah hian an awm dawn a, Pandey hian a hna thar hi kum 65 a tlin thleng a chelh ang.
Election Commission-ah hian Chief Election Commissioner, Sushil Chandra leh Election Commissioner pahnih an awm a ni.
Anup Chandra Pandey hi ministry of defence-ah additional secretary leh union ministry of labour and employment-ah joint secretary hna te a lo chelh tawh a ni. Ancient History ah PhD a nei a, Uttar Pradesh sorkar hnuaiah basic education, health and family welfare leh food department-ah te hotu nihna pawimawh tak tak a lo chelh tawh bawk a ni.