DGHS-in Covid-19 guidelines ennawn Kum 5 hnuai lam mask vuah kher tul lo

Union ministry of health and family welfare hnuaia directorate gene-ral of health services (DGHS) chuan Covid-19 guidelines ennawnin, coronavirus laka invenna atana mask vuah ṭhin chu naupang kum 5 hnuai lam tan vuah kher ṭul a ti tawh lo.

DGHS chuan naupang, kum 6-11 inkarte chuan mask chuan an vuah thei ang a, mahse hei pawh hi nu leh paten an enpui fo a ṭul thu a sawi.

Naupang tana Covid-19 inkaihhruaina siam tharah hian sorkar chuan antiviral drug Remdesivir hman khapna a tichhuak a, naupang kum 12 chunglamte lung hriselna endiknan minute ruk chhung kea kaltir chhin an ni ang. DGHS chuan kum 18 hnuai lam tan Ramdesevir damdawi hi a himin hna a thawk ngei tih fiahna data ṭha tak a awm lo a ni, a ti.

DGHS chuan hri kai, symptom nei lo leh na vak lo, mild case tan steroid hman chu a him lo niin a sawi a, steroid chu damdawi-ina awm, dinhmun ṭha vak lote enkawlna atan, chu pawh damdawi lam thiamten an vil rengna hnuaia hman chauh turin a ti bawk.