Kuwait-ah external affairs minister Jaishankar a zin

External affairs minister S Jaishankar chuan nimin khan Kuwait-ah a zin.

March thla khan Kuwait foreign minister Sheikh Ahmed Nasser Al-Mohammad Al-Sabah chuan India a rawn tlawh a, hemi ṭum hian India leh Kuwait hian thla thum dawn liam ta khan energy, trade, investment, manpower and labour leh information technology lama thawhdunna siam turin joint ministerial commission din an lo rel tawh a ni.

Kuwait hian India rama hri leng dona kawngah kawng hrang hrangin a lo pui tawh a, medical oxygen bakah chhawmdawlna hmanrua hrang hrang a lo thawn tawh. Medical oxygen-te hi Indian Navy lawngliante chuan Kuwait aṭangin an rawn phur haw a ni.