Vaccine neih dan mipui hmaa puangzar lo turin state-te ngen

Sorkar laipui chuan state leh union territory-te hnenah Electronic Vaccine Intelligence Network (eVIN) system-a vaccine neihdan leh vaccine storage a lum leh vawt an khuahkhirh dante mipui hmaa puangzar lo tura ngenin, thil pawi tak thleng thei laka inveng tur leh programme hmasawnna atan chiaha hmang turin a chah.

Union health ministry chuan sorkar laipui leh United Nations Development Programme (UNDP) ṭanpuina in Universal Immunisation Programme hnuaiah eVIN system hi kalpuiin, hemi kaltlang hian ram pum aṭanga sub-disrtict level thlenga vaccine dinhmun enfiah theih a ni. Health ministry chuan state zawng zawng ten nitina Covid vaccine an neihdan leh lei dan te system kaltlanga thuthar an pekchhuah zel avanga an lawmthu a sawi bawk.

"eVIN in data leh analytics a tihchhuahte chu Ministry of Health thuneihna hnuaia awm a ni a, ministry hriatpuina tel lo chuan organisation dangte , partner agency, media agency, online leh offline public forum ah tihchhuah phal a ni lo. He thil hi fimkhur ngai tak a nih avangin programme hmasawnna atan chauh hman tur a ni," tiin Pradeep Haldar, Advisor, Reproductive and Child Health (RCH) chuan state leh UT a National Health Mission director-te hnena lehkha a thawnah a hriattir a ni.