India ramah ni li chhung hri kai thar nuai khat aiin tlem

India ramah Ningani khan Covid-19 kai thar 91,702 awm lehin, ramchhungah a zawnin ni li chhung hri kai thar nuai khat aiin an tlem tawh a ni. Positivity rate chu 4.49% ah a tla thla tih Union Health Ministry data chuan a tarlang.

Ram pumah hri kai hmuhchhuah chu mi 2,92,74,823 an tling tawh a ni.

Ningani vek khan Covid-19 vangin mi 3,403 an thih belh leh a, thihpui tawh zawng zawng hi mi 3,63,079 an awm tawh a ni. Hri kai mek, active case 11,21,671 awm mekin, hri kai hmuhchhuah tawh aṭanga chhutin 3.83% a ni. Hri kai enkawl dam, recovery rate chu 94.93% ah a pung chho leh tawh bawk.

Ram pumah Ningani khan sample 20,44,131 test a ni leh a, ramchhunga Covid-19 test neih tawh zat hi 37,42,42,384 a ni tawh.

Test aṭanga hri kai hmuh chhuah, positivity rate hi ni 18 chhung chu 10% hnuai lamah a tla thla tawh a, kartina positivity rate pawh 5.14% ah a tla thla tawh a ni.

Ni 29 chhung hri kai hmuhchhuah aiin dama puan an tam zawk ziah tawh. Hri kai tawh zinga 2,77,90,073 chu enkawl dam an ni tawh. Hetih rual hian hripui thihpui rate chu 1.24% ah a sang chho leh.

Rampuma vaccination pek chhuah kalpui a nih aṭangin COVID-19 vaccine dose 24,60,85,649 sem chhuah a ni tawh.

India ramah kum 2020, August 7 khan Covid-19 kai nuai 20, August 30-ah nuai 30, September 5-ah nuai 40 leh September 16-ah nuai 50 an awm.

September 28-ah nuai 60, October 11-ah nuai 70, October 29-ah nuai 80, November 20-ah nuai 90 leh December 19 khan vaibelchhe khat pel lehin, kumin May 4 khan hri kai hmuh chhuah hian vaibelchhe hnih a pel a ni.

Maharashtra-ah chuan Ningani khan Covid-19 hri thihpui 1915, Tamil Nadu-ah 358, Karnataka leh Kerela aṭangin 194 ve ve an awm leh.

Ram puma hripui vanga thi mi 3,63,079 zinga 1,03,748 chu Maharashtra-a mi an ni a, Karnataka-ah 32,485, Tamil Nadu-ah 28,528, Delhi-ah 24,748, Uttar Pradesh-ah 21,597 , West Bengal-ah 16,642, Punjab-ah 15,367 leh Chhattisgarh aṭangin mi 13,285 in hri an thihpui tawh a ni.

Health Ministry chuan India rama Covid-19 thihpui zinga 70% te chu natna dang neisa an nih thu a sawi.