Trinamool Congress-ah Mukul Roy a let leh

West Bengal chief minister Mukul Roy chuan an party chhuahsana BJP zawm ta Mukul Roy chu nimin khan an party-ah a let leh tawh tih a sawi.

Mamata Banerjee chuan midang angin phatsantu a ni ve lo tih sawiin Mukul Roy bakah hian a fapa Shubhranshu nen TMC-ah hian a let leh a ni.

India Railway Minister hlui hian kum 2017-ah khan BJP a zawm a, an National Vice-President hial atante pawh an ruat hman a, mahse nimin khan a party hluiah hian a let leh ta a ni. Mamata nen chuan an inkar boruak a chhe ngai lo tih a sawiin, Mamata chu Bengal leh India rama hruaitu awmchhun a ni, tiin a sawi bawk.

TMC chief hian tunah hian Operation Return of the Prodigal a kalpui mek a, bul a ṭan chiah tihah TMC founder member Mukul Roy-te pafa hi an rawn let nghal a ni.