Congress party-in fuel man sang duh lohna lantir

Congress party chuan nimin khan ram chhung hmun hrang hrangah fuel man sang zel duh lohna an lantir a, sorkar laipui chu petrol leh diesel-a chhiah lak a tihpun chu tihniam nghal turin an phut.

Party hruaitu KC Venugopal chuan, "UPA sorkar lai khan petrol leh diesel-a chhiah lak chu Rs 9.20 a ni a, tunah chuan Rs 32-ah a pung tawh a ni. Chhiah tihpuna hi sut leh nghal turin sorkar kan phut a ni," a ti.

Karnataka-ah chuan nimin khan petrol litre khat man hi Rs 100 a chuang a ni. State Congress unit chuan state chhunga district 30-ah fuel man tihhniam phutin, nimin aṭang khan ni 5 awh tur, '100 not out campaign' an nei ṭan bawk. State Congress chief DK Shivkumar chuan BJP kaihhruai NDA sorkar chuan thla 5 liamta chhungin fuel man hi ṭum 48 zet a tipung tawh tih sawiin, January thla khan kum 10, February leh May thlaah ṭum 16 leh June 10 hma lakah ṭum 9 a tipung hman tih a sawi.