Khualzin tlawh theihin Taj Mahal hawng ṭan

Covid-19 vanga thla tam tak khuahkhirhna an kalpui hnuah nimin aṭang khan khualzinte tlawh theih turin Taj Mahal an hawng leh ṭan ta.

Archaeological Sur­vey of India (ASI) superin­tending archaeologist of Agra circle, Vasant Kumar Swarnkar chuan Thawhlehni khan ASI venhimna hnuaia monu­ment te leh Taj Mahal chu hawn an nih tur thu hi a puang.

Swankar hian Covid inkaihhruaina dan khauh tak kalpui chhunzawm a ni dawn tih a sawi a, luh phalna chu online hmang chauha pek chhuah a ni dawn a, mask vuah lo chu tumah luh an phal dawn lo tih a sawi.

Agra District Magis­trate Prabhu N Singh chuan, " Taj Mahal chhung­ah hian hun bi neiin a rualin mi 650 aia tam luh kan remti dawn lo. Mipuite vil tur pawh an awm ang" a ti.

Phone number pakhat aṭangin ticket panga bak a book theih dawn loh a, Thawhlehni khan Taj Mahal-a thawkte tan vaccine lakna tur, vacci­nation camp an dinsak bawk a ni.