CBSE-in July 31-ah Class 12 result tichhuak dawn

Central Board of Secondary Education (CBSE) chuan July 31-ah Class 12 result tihchhuah a ni dawn a, result hi kum thum chhunga zirlaite dinhmun emaw, Class 10-a an dinhmun azirin emaw siam a ni dawn tih nimin khan Supreme Court a hriattir.

CBSE chuan result siam turah hian mark 40% chu Class 12 pre-board exam-a an mark hmuh dan aṭangin siam a ni dawn a, 30% chu Class 11 final exam leh 30% dang chu Class 10 best-of-three mark aṭanga siam a ni dawn tih a sawi. Practical chuan mark 100 puin, school-in mark an thehluh hmangin hei hi siam a ni dawn tih CBSE din, member 12 awmna committee chuan Court a hrilh.

Ram puma hri leng vangin June 1 khan CBSE Class 12 board examination chu ṭhulh a nih thu sorkar chuan a lo puang tawh a ni.

Council for the Indian School Certificate Examinations (CISCE) pawhin ISC Class 12 board exam mark siam dan turah CBSE kal dan ang hi a hmang ve dawn bawk.