Driving licence leh lirthei registration validity pawtsei

Sorkar laipui chuan coronavirus hri leng vangin driving license (DL), registration certificate (RC) leh lirthei permit dang validity, June 30,2021 thlenga a pawhsei tawh chu September 30 2021 thleng a pawtsei chhunzawm leh

Ministry of road, transport and highways (MoRTH)-in hemi chungchangah hriattrina a tihchhuahah, "Covid-19 hri leng darh zel tur venna atan MoRT&H chuan Enforcement thuneitute chu Fitness, Permit (all types), License, Registration emaw document kaihhnawih zawng zawngte dam chen, validity chu September 30,2021 thleng pawtsei tura tih an ni," a ti.

He ruahmanna hian February 1,2020 aṭanga September 30,2021 hnua document thi tawhte pawh a huam tel vek dawn a ni.

State leh union territory zawng zawngte chu he thuchhuak hi kengkawng nghal turin ministry chuan a hriattir. Hri leng avanga hun khirh tak tawh mekah, mipui, khualzin, leh pawl hrang hrangten harsatna an tawh lohna atan he ruahmanna hi siam anih thu Ministry chuan a sawi bawk.