PM-in J&K political leader-te kawm dawn

Prime minister Narendra Modi chuan tunkar Ningani, June 24 hian Jammu and Kahsmir-a political party hrang hrang hruaitute meeting neihpui turin a sawm a, he hunah hian J&K hnena state nihna dinhmun pek let dan turte an sawiho dawn nia sawi a ni.

Kum 2019, August 5 khan BJP kaihhruai sorkar laipui chuan J&K hnena special status pekna Article 370 chu ṭhiatin, state a nihna pawh a hlihsak a, union territory pahnih - Jammu and Kashmir leh Ladakh-ah a ṭhensak nghal a ni.

Union home secretary chuan Inrinni liam ta khan J&K-a political party hrang hrang hruaitute hnenah sawmna hi a thawn a, sawmna thawn zingah hian National Congress hruaitu Dr Farooq Abdullah leh Omar Abdullah; Congress hruaitu Ghulam Nabi Azad, Tara Chand leh GA Mir, PDP hotu Mehbooba Mufti; People Conference hruaitu Sajad Gani Lone leh Muzaffar Hussian Baigh; Apni Party hotu Altaf Bukhari; BJP hruaitu Ravinder Raina, Nirmal Singh leh Kavinder Gupta; CPI hruaitu M.Y.Tarigami leh National Panthers Party hotu Prof. Bheem Singh-te an tel.

Union minister-te nen meeting nei
PM Modi chuan nimin khan a chenna inah union miniser-te meeting a neihpui bawk a, an thurelte erawh puanzar a la ni lo. Meeting-ah hian Amit Shah leh Rajnath Singh-te pawh an tel.

Tun thla tir lam khan PM Modi hian union minister-te meeting a lo neihpui tawh bawk a, an ministry hnuaia hna thawh hrang hrangte an thlirho a ni.