All-party meeting-ah Gupkar alliance tel dawn

Priem minister Narendra Modi-a'n June 24-a J&K all-party meeting a kohah, J&K-a party paruk ṭangrual pawl, People's Alliance for Gupkar Declaration hruaitute chuan tel an tum tih an sawi.

Gupkar alliance chairman leh National Conference president Farooq Abdullah chuan Delhi-a meeting neih turah hian an tel tur thu sawiin, sorkar laipuiin a tihtawp sak tawh, Jammu and Kashmir special status pekna, Article 370 pek kir leh tur leh, political leader tangte chhuah tura an nawr tur thu a sawi a ni.

Sorkar laipui chuan all-party meeting neih turah eng ber nge an ngaihtuah dawn tih sawilang lo mah se, J&K hnena state nihna pek kir leh chungchangte a sawipui dawn niin media lam chuan an tarlang.

Gupkar alliance hi nikum October thlaa Article 370 pek leh an nih leh theihna tura nawr tura party pasarihten an din a ni a, mahse kumin January thla khan an zing aṭang hian People Conference chu an inhnukdawk a ni.