A kum hnihna atan Amarnath Yatra ṭhulh leh

Covid-19 hri leng vangin kumina Amarnath Yatra neih tur chu ṭhulh a ni leh a, nikum lam khan ṭhulh a lo ni tawh bawk.

Ni 56 awh Amarnath Yatra hi June 28 aṭanga neih ṭan tur a ni a, hri leng chungchanga ram chhung dinhmunte ngun taka thlir hnuin ṭhulh a ni ta a ni.

Jammu and Kasmir Lieutenant Govenor office chuan yatra ṭhulh a nih thu hi sawiin, "Mipuite nunna chhanhim hi a pawimawh. Hei vang hian kuminah mi tam tak punkhawmna tur he biakzin hun buatsaih hi a remchang leh ta lo a ni," a ti. Kar liam ta Zirtawpni khan union home minister Amit Shah hoa high level meeting neihah khan Amarnath yatra chungchang pawh hi an sawiho a ni.