IndiGo-in Covid vaccine la tawhte Airfare 10% a tihniam dawn

India rama air carrier lian ber, InterGlobe Aviation Limited ( IndiGo) Airline chuan an passenger-te tan Vaxi Fare scheme a siam a, Covid-19 vaccine la tawhte tan air fare 10% in a hniam dawn a, hei hi vaccine dose khatna chauh la pawh a huam ang.

Thuchhuah siamin, IndiGo chuan 10% discount hi single, return leh multiple journey a huam dawn tih a sawi a, mahse khualzinte chuan ministry of health & family welfare-in a pek chhuah, Covid-19 vaccination certificate an ken tel a ngai ang. Certificate la nei lo pawhin Aarogya Setu mobile app-ah vaccine an la ngei tih lanna chu check-in counter-ah an hmu thei dawn bawk a ni.

He scheme hi June 23 aṭanga booking siamte tan hman ṭan niin, thuchhuah dang an siam hma chu hman a ni ang. Mahse, offer hi kum 18 chunglamte tan chauh a ni thung.