Maha sorkar hospital-a nurse-te an nuar

Maharashtra sorkar hnuaia hospital hrang hranga nurse-te chuan nimin khan darkar 48 awh tur nawrh an huaihawt. Nurse-te nawrh vang hian medical service lam pawh a nghawng buai hle.

Maharashtra Nurses Association president chuan district 24-ah nurse-te hian nawrh an huaihawt tih sawiin, an thil phutte chu sorkarin a tihlawhtling lo a nih chuan tiam chin awm loa nawrh chhunzawm an tum tih a sawi. An thil phut zingah hian promotion pek leh Covid-19 allowance pekte pawh a tel.

Kar liam ta khan healthcare worker, Covid-19 hri leng vanga sorkar hospital hrang hranga contractual basis-a chhawrte chuan an hnaah dah ngheh phutin deputy chief minister Ajit Pawar convoy chu dan an lo tum tawh bawk.

Maharashtra hi ram chhunga Covid hri leng tuar na ber state niin, hri kai hmuhchhuah hi 59,87,521 awmin an zinga 1,18,795 in an thihpui tawh a ni. Thawhlehni khan hri kai thar 8,470 awm lehin mi 188 an thihbelh leh bawk. Active case hi 1,23,340 an awm mek a ni.