Indian Army-in FICV 1,750 lei an tum

Indian Army chuan Make in India policy hnuaiah Futuristic Infantry Combat Vehicles (FICV) 1,750 lei a tum a, hemi atan hian nimin khan Request For Information (RFI) a tichhuak.

Army chuan FICV hi hmun sang zawk, Eastern Ladakah bakah thlaler leh hmun chhengchhe deuhah dah atan a duh tih a sawi. FICV project hi hun eng emaw an lo ruahman tawh a, tunhnaia Ladakh-a India leh China sipaite inkara buaina a thlen chhoh leh fo avangin an mamawh hi a zual niin an sawi. FICV a lei tum hi anti-tank missile niin, 55% chu gun version tur a ni a, a bak chu speicalist vehicle a nih tur thu an sawi.

FICV-te hi 1989 vintage BMP-2 thlakna atan hman a nih rin a ni a, hei bakah hian Ladakh-a Line of Actual Control, Central leh Sikkim sector-ahte dah tum a ni bawk. Heng motorte hi phaizawl, thlaler leh tlang chhengchhe tak takah pawh hman theih niin, CBRN (Chemical, Biological, Radiological and Nuclear) environment-ah pawh an hman theih dawn a ni.

Indian Army chuan light tank 350 chu a tahtawla lei a tum bawk. Hei pawh hi 'Make in India' hnuaiah lei a ni ang.