Covid-19 kai hmuh chhuah thar 8,000 chuang an awm

Coronavirus kai hmuh chhuah thar nimin khan India ram pumah 8,171 an awm belh leh a, mi 1,98,706-in rampumah an kai tawh. Hetihlai hian hrikai enkawl dam tawh 95,527 awmin hrikai mek 7,581 an awm. 

Covid-91 thihpui mi 5,598 awm tawh a, nimina Ministry of Health and Family Welfare report tihchhuahah chuan thihpui hi 204 an awm belh leh a ni. Enkawl dam pawh an pung ve zel bawk a, report an tihchhuah hma darkar 24 chhungin mi 3,708 an enkawl dam hman a, enkawl dam rate 48.07% a tling tawh.

Nimin piah lam leh nimin report khaikhin chuan state hrang hrangah thihpui zat hi an tlahniam nasa hle a, nimin report-ah hian state leh union territory-ah thihpui case a tlem sawt hle.

Hripui kai tamna ber state Maharashtra-ah chuan case thar 2,358 a awm a, mi 70,013-in an kai tawh a ni. Hetihlai hian enkawl dam 30,108 an awm tawh thung a, report thar berah hian thihpui 76 an awm a, ni telin thihpui zat hi an tlem ve hret hret zel a ni.

Tamil Nadu-ah pawh thihpui 11 an awm leh a, hetichung hian ni khata thihpui zat hi an tlahniam ve hret hret zel bawk. Hrikai erawh an pung zel a, mi 23,495-in kai tawhin kai hriatchhuah thar 1,162 an awm a, enkawl dam 13,170 awmin mi 184 laiin an thihpui tawh.

Delhi-ah report hmasa aiin case thar a tlem a, kai hriat chhuah thar 990 awmin mi 20,834-in an kai tawh laiin enkawl dam 8,746 an awm tawh thung. Mi 50-in an thihpui leh a, mi 523-in an thihpui tawh a ni.

Hrileng thihpui tam state Gujarat-ah chuan mi 1,063-in an thihpui tawh a, mi 25 nimin report-ah hian an thi leh a ni. Kai hmuh chhuah thar 421 awmin mi 17,200-in an kai tawh a, enlawl dam 10,780 an awm tawh bawk.

Rajasathan-ah chuan mi paliin an thihpui leh a, mi 198-in thihpui tawhin hrikai 8,980 an awm tawh bawk a ni.