Khaukhuap puang thah nan dorne hmang dawn

Odisha University of Agriculture and Technology (OUAT) Vice-Chancellor, Pawan Kumar Agarwal chuan an state sorkar chuan thlaler khaukhuap puang mek chu drone hmangin a thahna hloin an kap dawn tih a sawi. 

Agarwal chuan an state khawpui Bhubaneswar leh district zawng zawngah chuan India rama khaukhuap puang mek lo beih let dan tur chungchangah ruahmanna an siam tawh thu sawiin, an state an lo thleng a nih chuan drone hmangin thahna hloin an lo kap dawn tih hi a sawi a ni.

Union Agriculture Minister Narendra Singh Tomar chuan Britain aṭangin rannung thahna hlo kahna tur 15 a lo thleng dawn tih a sawi. Oidsha-ah hian khaukhuap hi an lut a nih chuan Odisha khawthlang lamin an tuar hmasa ber dawn a, he khaukhuap hian an buh leh thlai a eichhiat loh nan state sorkar chuan a invenlawkna a lo ngaihtuah lawk a ni tih Agarwal chuan a sawi.

Thlaler khaukhuap puang mek hi Pakistan aṭangin India-ah a rawn tlawk lut a, Rajasthan, Punjab, Haryana leh Madhya Pradesh state-ah an thleng tawh a ni. Buh leh tlaite a ei chhiat thu Ministry of Environment, Forest and Climate Change thupuangtu chuan a sawi a, Rajasthan chu a tuar nasa ber state an nih thu a sawi bawk.