Agra mayor-in Taj Mahal hawn phût

Sorkar laipuiin hripui leng vanga khuahkhirhna a siamte a thlahdul chhoh zel avangin Agra mayor Navin Jain chuan Taj Mahal leh an khawpui chhunga historical monument dangte hawn phalsak tawh turin sorkar a phut. 

Hri leng vang hian mayor hian March thla khan Taj Mahal hi khar turin a lo ngen tawh a ni. Mahse khuahkhirhnate hlih a nih chhoh a, rel leh thlawhtheihna service te phal a nih tak avangin heng hmun pawimawhte hi hawn turin a ngen a ni. 

Agra khawpui tan tourism hi sum a hmuhna pui ber pakhat a ni a, khawpui chhunga historical monument hrang hrang tlawh tura khualzin tam tak kalte chu hotel, travel business, guide, photographer, emporia, petha industry-ten an sum hmuhna ber a ni. Mahse hri a len hnuah khawpui chhunga hotel 500 chuang zet chu khar an ngaih phah a ni a, khualzin an luh theih loh avangin mi tam takin eizawnna an hloh phah tawh bawk. 

Agra-ah hian hri kai hi mi 907 hmuh an ni tawh a, an zinga 795 chu enkawl dam an ni tawh thung. Vawiin aṭangin khawpui chhunga bazar-te chu hawn an ni tawh dawn a, dawrte  pawh inhawn chhawk tir an ni ang.