Parliamentary panel hmaah Google leh Facebook insawifiah dawn

Parliament Standing Committee on Information Technology chuan vawiin hian Facebook India leh Google India-te chu social online media news platform hmansualna laka venhimna leh, mipuite dikna chanvo humhalh tura hma an lak dan chungchanga sawifiah turin a ko.

Committee hian IT company lian pahnihte aiawhte hi an hmalak tawh dan bakah, hemi chungchanga rawtna leh ngaihdan an neihte sawi turin a ti bawk a ni.

June 18 khan Committee chuan Twitter chu social media leh online news hmansualna laka venhimna an kalpui dan sawifiah turin a lo ko tawh bawk.

June 20 khan United Nations-a India mission chuan June 20 khan India rama IT rules thar siam chungchang hi a lo sawifiah tawh a, heng dan siam tharte hi social media hmangtute thuam chakna tur a ni tih sawiin, sorkar laipuiin kum 2018-a civil society leh stakeholder hrang hrangte pawh a biakrawn hnuah tihfel a ni tih a sawi.

Sorkar laipui chuan dan thar siam, Information Technology (Intermediary Guidelines and Digital Media Ethics Code) Rules, 2021 ('new IT Rules') tih hi kumin February 25 khan a tichhuak a, May 26 aṭang khan hman ṭan a ni.