India-in ngai a awh chho leh ngei ang : PM Modi

Prime minister Narendra Modi chuan hripui leng vanga ram economy tlahniam chuan ngai a awh chho leh ngei dawn a ni tiin, nimina corporate leh economist-te hmaa thu a sawiah a sawilang. 

Data tihchhuah tharah India GDP chu kum 11 chhunga a hniam ber ṭum a thleng a ni. Mahse PM chuan ram sum dinhmun hi ngai a tawh leh ngei dawn tih tiamin, thil harsa lutuk a ni dawn lo, a ti. 

Confederation of Indian Industry (CII) kum 125-na puala online kaltlanga thu a sawinaah, PM chuan a inrintawk chhan hi sawiin, "India talent neih ka ring tawk a, sumdawngte leh thawk­tute, an thawhrimna leh inpekna hi ka ring tawk a ni," tiin ram sum dinhmun chu siamṭhat leh a ni thei ngei dawn tih a sawi. 

'Coronavirus hian kan growth rate hi a timuang a, mahse tunah chuan lockdown aṭangin Unlock Phase-1 ah kan awm chho tawh. Hei vang hian kan ram dinhmun siamṭhatna tur kawng kan zawh ṭan leh tawh a ni," tiin Modi chuan a sawi a ni.