President-in Amedkar memorial dinna tur lungphum phum

President Ram Nath Kovind chuan nimin khan Locknow-ah Amebdkar Memorial and Cultural Centre dinna tur lungphum a phum. Ambedkar Memorial hi Aishbagh-ah siam a ni dawn.

Nimina hun hmanah hian Uttar Pradesh governor Anandiben Patel, chief minister Yogi Adityanath, deputy chief minister pahnih Keshav Prasad Maurya leh Dinesh Sharma-te pawh an tel.

Uttar Pradesh cabinet chuan kar liam ta khan state cultural department-in Ambedkar Memorial din a rawtna chu an pawmsak a ni. He memorial hi ram sq meter 5,493.52 biala zauah siam a ni dawn a, feet 25-a sang Dr Ambedkar lim pawh dah tel a ni ang.

Memorial siamna atan hian cheng vaibelchhe 45.04 ruahman a ni a, mi 750 lenna auditorium, library, research centre, picture gallery, museum leh multi-purpose convention centre-te siam tel a ni bawk ang.