July 19-Aug 13 chhungin Parliament monsoon session neih tum

Parliament monsoon session chu July 19 aṭanga August 13 chhunga neih tum a ni.

India rama Covid-19 hri kai an tlakhniam chhoh tak avangin Cabinet Committee on Parliamentary Affairs' (CCPA) chuan session neih hun tur hi a rawt a ni. Session chhung hian rorel ṭhutkhawm ṭum 20 neih a ni ang.

Parliamentary affairs minister Pralhad Joshi chuan June thla tir lam khan ruahman lawk angin monsoon session chu July thla chhunga neih theih ngei beisei a nih thu a lo sawi tawh a ni. MP leh staff-te chu vaccine pek an ni vek tawh a, mahse hetichung hian ṭum dang aiin session neih chhung hi a rei lo thung dawn a ni.

Nikum khan hripui leng vangin parlaiment sesison pathumte pawh a hun chhung tihtawi vek an lo ni tawh bawk.

Tun ṭuma state pali - West Bengal, Assam, Kerala leh Tamil Nadu bakah UT Puducherry-a assembly inthlan neih hnuah parliament session neih hmasakna ber tur a ni.