Sept-ah DCGI-in Covovax vaccine a pawm beisei

America pharma company, Novavax-in Covid vaccine a siam, Covovax chu India ramah hman theih turin September-ah Drugs Controller General of India(DCGI) in a pawm hman beisei a ni.

Covovax vaccine hian Covid-19 hri lakah 90% a veng nia sawi a ni a, mahse Delta variant lakah eng anga rintlak nge a ni tih erawh tarlan a la ni lo. A man pawh a to hran dawn lo nia sawi a ni a, mahse Covishield vaccine ai chuan a to deuh rin a ni.

Novavax president leh CEO, Stanley Erk chuan UK-ah clinical trial neihah pawh an vaccine hi a rintlak tawk hle tih hriat a nih thu a sawi a, clinical data stage tawpna ber chu an buaipui mek tih a sawi. Covovax vaccine chu Europe leh UK pawhin an pawm thuai an beisei thu a sawi bawk.